АҚШ Саакашвили мен оның қол астындағыларға жалақы төлейді
Одесса облысындағы жаңа полицияны американдық мамандар дайындайтын болады. Дүйсенбі, 6 шілдеде Одесса губернаторы Михаил Саакашвили мен АҚШ-тың Украинадағы елшісі Джеффри Пайетт келіссөз өткізді деп хабарлады Саакашвилидің Facebook-тегі парақшасында.
«Біз Калифорниядан келген американдық полиция қызметкерлері жаңа Одесса полициясын оқытатынына келістік», - делінген хабарламада.
Сонымен қатар, Саакашвили «жемқорлыққа қарсы шабуылдың» бір бөлігі ретінде Америка үкіметі Одесса губернаторының жаңа командасына жалақы төлеуге келіскенін айтты.
Грузияның бұрынғы президенті Саакашвили Украина азаматтығын 30 мамырда қабылдады және сол күні Одесса облыстық мемлекеттік басқармасын басқарды. Ол сонымен қатар президент Петр Порошенконың реформалар бойынша кеңесшісі.
Саакашвилидің командасына, атап айтқанда, батыстағы Microsoft пен Akamai Technologies компанияларында жұмыс істеген белгілі заңгер Саша Боровик, сондай-ақ Грузия ішкі істер министрінің бұрынғы орынбасары Георгий Лорткипанидзе қосылды.
Жаңа Одесса патрульдік полициясына шақыру осы жылдың сәуір айында басталды. Ол тамыз айының соңында қала көшелеріне шығады деп күтілуде.